17:34
Keng Sëtzung e Méindeg, um Dënschdeg geet et weider!
17:32
Nom Geriicht ... d'Medien!
17:28
Sëtzung fir haut opgehuewen
17:25
"Zu Onrecht ugeklot, well ee mengt, mech gesinn ze hunn"
D'Presidentin vum Geriicht preziséiert, datt hien net ugeklot wier!
Awer an der ëffentlecher Meenung, esou den Zeien.
Defense: Ëmmerhin gouf et bei Iech en Zeien, deen Iech wëll gesinn hunn (de Verstuerwenen Eugène Beffort), bei den Ugekloten, déi mir vertrieden, ass dat emol net de Fall!
17:24
"Nee" war och d'Äntwert op fréier Froe vun der Defense
17:19
Wéi eng Kontakter hat den Zeien, wéi en an den USA war?
... well de Chef vun där Entreprise, fir déi e geschafft huet, hätt där gehat.
Äntwert: Nee! Ech war jonk an ee vu 50.000 Employéen.
17:16
Ech hu kee Kontakt zu der CIA!
17:13
"Ech sinn als Ongleewege gebuer ...
17:11
Krut de Jean Rechter zeréck oder net?
Zur Erënnerung: De Jean-Claude Juncker hat gesot, en Dënschdeg, de Grand-Duc Henri hätt den Ëmgang vum Grand-Duc Jean mam Prënz Jean als ze streng jugéiert ...
17:07
Prënz Jean erkläert Ënnerscheeder ...
Ausserdeem wier hie sech bewosst gewiescht, net Grand-Duc kënnen ze ginn an dofir hätt hie wëllen a missen en eegent Liewen opbauen.
17:06
Kënnen dës Renonciatioun net acceptéieren!
17:03
Prënz erkläert an hëlt wäit aus ...
A senger Famill misst eng Hochzäit vum Chef de famille gutt geheescht ginn, ma de Grand-Duc Jean hätt se net approuvéiert.
An hien hätt sech wëllen eng berufflech Carrière opbauen.
Béides hätten dozou gefouert, datt hie säi Liewen hätt wëlle liewen net am Land, ma zu Paräis.
17:02
Me Vogel freet no Grënn fir Verzicht vun "droit régalien"
16:55
Wat ass de Wäert vun der Attestatioun?
An der Nuecht vum 8. op den 9. November 1985 explodéiert um Findel eng Bomm.
De Prënz Jean seet, hie wier deen Ament a Frankräich gewiescht, op enger Juegd.
Den Organisateur vun der Juegd seet an enger Attestatioun, de Prënz Jean hätt fir d'Juegd zougesot, fir de Weekend vum 9. an 10. November 1985. Also de Samschdeg an de Sonndeg.
De Prënz seet, hie wier awer schonn um Freidegowend ugereest, also um Owend vum 8. November.
De Me Vogel: Et wier awer méiglech gewiescht, eréischt um Samschdeg de Moien unzereesen oder mam Helikopter dohin ze fléien ...
Geriicht: Ma well d'Attestatioun net esou genee ass, kann och fir den Zeie schwätzen.
Dee seet, den Organisateur hätt automatesch als Datum de Weekend uginn, vun der Juegd.
Me Vogel: Vläit wollt den Organisateur och kee Faux maachen?
Weider Ongereimtheet an der Attestatioun: Giscard d'Estaing seet, Prënz war sonndes nach do, Prënz seet, ech si samschdes owes nom Iessen hannescht op Paräis gefuer ...
16:48
De Prënz seet, hie wier schonn um Virowend, also um Freidegowend, 8. November, do gewiescht an den 9. November nom Owesiessen hannescht op Paräis gefuer.
Ma an der Nuecht vum 8. op den 9. November ass um Findel eng Bomm explodéiert ...
16:46
Geriicht geet elo op Aussoe vum Zeie Beffort an ...
16:45
Ech sinn net informéiert ginn!
16:44
't kann dach net sinn, datt Dir näischt wousst
16:42
Hie wär vun der Police gehéiert ginn ...
Riichterin: D'Beweislaascht géing jo an deem Fall och net bei him leien.
16:41
Wat hutt Dir dann du gemaach géint déi Rumeur?
16:40
Zeie bleift derbäi, bei senger Versioun
16:37
1987 Pressekonferenz fir Iech ze blanchéieren
Et wier inadmissible ze behaapten, eréischt 2005 vun där Rumeur héieren ze hunn.
16:34
"Hunn déi Rumeur net kannt! Eréischt 2005 dovun héieren."
Zitat: "La personne concernée est la dernière informée."
Et hei, wuel gemierkt, ëm d'Rumeur, datt de Prënz Jean de Bommeleeër oder ee vun de Bommeleeër wier.
Vun der Bommeleeër-Affaire hätt hien natierlech héieren, ma net vun der Rumeur, ee vun den Auteuren ze sinn.
Am den éischten Ament hätt hie gelaacht! Dat wier jo "incroyable" gewiescht. Bis säi Brudder him gesot huet, dat wier eng serieux Saach.
16:33
Zeien zitt et vir, op Franséisch ze schwätzen
16:31
Jean de Nassau am Zeiestand
16:30
Keng Froe méi un de Guillaume de Nassau
16:29
Weder ech, nach mäi Brudder
